Mithila Dham : http://www.mithilaawaz.org

मिथिलांचल के लाल रमण चलला दुनया में अपन परचम लहरबे के लेल बेनीपुर, से : नेपाल के राजधानी काठमाडू में 29 मई स आयोजित इंटरनेशनल माउंट ऐवरेस्ट मैराथन में भाग लेबाक लेल घोंघिया गांव निवासी धावक रमणजी यादव शुक्रदिन काठमाडू रवाना भ गेला । रवाना होए स पूर्व गांव हरिपुर में पहुंचके शहीद कैप्टन दिलीप कुमार झा के प्रतिमा पर माल्यार्पण केलेन । इस अवसर पर धावक रमण कहलिन कि माउंट एवरेस्ट पर होयबाला मैराथन दौड़ 60 किलोमीटर के अछि । आ एहि दौड़ में 38 देश के धावक भाग ल रहल छैथ । इंटरनेशनल मैराथन में भाग लेबाक लेल गत पांच महीनों से तैयारी में जुटल छलु । आब अहा सब के आशीर्वाद चाही रमण के विदा करबा के लेल समस्त ग्रामीण संग शहिद के पिता नथुनी झा उपस्थित छला । अहि से पूर्व ओ कतेक बेर मिथिलांचल सहित बिहार का नाम किया रौशन क चुकल छैथ कोलकाता हाफ मैराथन में रमण जी भाग लके बिहार का नाम रौशन केने छल । तीन फरवरी को सुबह सात बजे से शुरू हाफ मैराथन में कुल पंद्रह हजार एथलीटों ने भाग लेने छल । एहिमे रमण जी के तेरहवां स्थान प्राप्त भेल छल । हुनका 21.097 किमी की दूरी तय करवा में एक घंटा 23 मिनट 10 सेकेण्ड लागल । कोलकाता हाफ मैराथन में कीनिया, अमेरिका, श्रीलंका, चीन, इंग्लैंड, अफ्रीका देश के एथलीटों सब भाग लेने छल । रमण जी मिथला मिरर के के कहलिन जे एहसे पूर्व दिल्ली में सेहो मैराथन में सेक्सन सी में पहिल रैंक प्राप्त केने छलु । इ बात के लके मिथिला में खुशी के माहोल अछि ।

जनता निहारि रहल आसमान, राजा भरि रहलाह उड़ान

जनता निहारि रहल आसमान, राजा भरि रहलाह उड़ान पटना । बिहार में आजादी से पूर्वहि करीब 24टा एयरपोट आ रनवे छल जाहि ठाम स राजा महाराज अपन जहाज से उड़ान भरैत छलाह आ जनता टकटकी लगा आसमान निहारैत छल। एहि चुनावी मौसम पर आजादीक पूर्व क इ नजारा एक बेर फेर ताजा भ जाइत अछि। पटना आ गया एयरपोर्ट जनता लेल खुलल अछि मुदा उत्‍तर बिहार में कोनो एयरपोर्ट जनता लेल नहि अछि, जखनकि पटना एयरपोर्ट पर करीब 65फीसदी यात्री उत्‍तर बिहार क होइत छथि जे गंगा सेतू क जाम कए झेलबा लेल मजबूर छथि। गरमी आ जाम स छटपट करैत एहन जनता आइ जखन आसमान दिस दखैत अछि त ओकरा कईटा उडैत हेलीकॉप्‍अर आ जहाज देखा जाइत अछि जाहि पर राजा गंगा क एहि पार स ओहि पार उड़ैत पहुंच जाइत छथि। हुनका लेल कईटा रनवे अछि आ कईटा हेलीपैड। एहि राजा सबहक उड़ान स पटना एयरपोर्ट क आमदनी सेहो बढल अछि, मुदा राजाक सवारी एयरपोर्ट हैंकर मे नहि ढार भ स्‍टेट हैंगर में ढार भ रहल अछि। जाहि स एयरपोर्ट कए हैंकर शुल्‍क देबा स इ राजा लोकनि बचि जाइत छथि। ल द कए लैंडिंग आ रूट नेविएशन शुल्‍क चुका रहल छथि। मोदी, सोनिया आ राहुल सन महाराजा तक हवाई जहाज स ओहि रनवे पर उतरि रहल छथि जहि पर उतराबाक लेल जनता पता नहि केतबा दिन स सपना सजेने अछि। पटना, गया के अलावा आरा, दरभंगा, पूर्णिया आ भागलपुर एयरपोर्ट भेल जनता लेल उपलब्‍ध नहि अछि मुदा एहि राजा सब लेल इ सदा उपलब्‍ध रहैत अछि। एकटा राजा क बनाउल एहि एयरपोर्ट सब पर दोसर राजा धड़ल्‍ले से उड़ान भरि रहल अछि, मुदा जनता एखनो आसमान निहारबा लेल मजबूर अछि। जनता लेल इ आधारभूत संरचना कखनो सुरक्षा क कारण स त कखनो विभागीय उदासीनता स अनुपयोगी बताउल जाइत रहल अछि। विदेश स उडि कए आयल आ गांधी सेतु पर गर्मी आ जाम में फंसल उत्‍तर बिहार क जनता लेल लोकतंत्र में जनता राजा होइत अछि इ सिद्धांत किताबी अछि, किया त आसमान पर एखनो राजा क सवारी अछि।

Mithila Dham

रविवार, 13 अप्रैल 2014

http://www.mithilaawaz.org

कोई टिप्पणी नहीं:

एक टिप्पणी भेजें